தமிழகம் முழுக்க ஆங்கிலக்கல்வி - விஜயகாந்த்

தே.மு.தி.க., சார்பில், மின்வெட்டு, காவிரி நீர் பிரச்னை, உரத்தட்டுப்பாடு, விவசாய கடன் தள்ளுபடியில் குளறுபடியை கண்டித்து தஞ்சாவூர் அண்ணாதுரை சிலை முன் ஆர்ப்பாட்டம் நடந்தது.

பச்சை துண்டால் முண்டாசு கட்டியபடி, கட்சி நிறுவன தலைவர் விஜயகாந்த் பேசியதாவது:


தேமுதிக ஆட்சிக்கு வந்தால் முதல் வகுப்பிலிருந்து ப்ளஸ் டூ வரை ஆங்கிலம் பேசும் வகையில் அனைவருக்கும் சமச்சீர் கல்வி கொண்டு வரப்படும் விஜயகாந்த்

http://www.dinamani.com/NewsItems.asp?ID=DNT20080727125941&Title=TamilNadu+Page&lTitle=R%AAZLm&Topic=0&ndate=7/28/2008&dName=No+Title&Dist=

நம் கேள்வி

சமச்சீர் கல்வி என்றால் அனைவரும் ஆங்கிலம் படிப்பதா?????

அனைவரும் ஆங்கிலம் படித்தால் தமிழ் நாட்டில் தமிழை யார் படிப்பது???

ஏற்கெனவே புற்றீசல் போல பெருத்து வரும் ஆங்கிலவழிக்கல்வி பள்ளிகளால் தமிழ் காணாமல் போய்விடும் போல இருக்கிறது....முழுக்க ஒழிக்க திட்டமிட்டு விட்டாரோ புரட்சிக்கலைஞர்......தன் தாய்மொழியான தெலுங்கு வழிக்கல்வி என்று கூவாத வரைக்கும் மகிழ்ச்சியே!!

அடுத்த முக்கியமான கேள்வி -

ஏற்கெனவே சம்பந்தமில்லாமல் உளருகிறார் விஜய்காந்த் என்ற குற்றச்சாட்டு நிலவுகையில் மேற்கண்ட ஆர்ப்பாட்டத்திற்கான கருத்திற்கு சம்பந்தமில்லாத சம்ச்சீர் கல்வி எங்கு வந்தது???

--------------

விஜயகாந்த் பேசியதாவது:

"உழவுக்கும், தொழிலுக்கும் வந்தனம் செய்வோம்,' என்றதில் விவசாயத்தை பின்னுக்கு தள்ளிவிட்டு தொழில் துறைக்கு முதல்வர் கருணாநிதி முக்கியத்துவம் கொடுத்து வருகிறார். விவசாயிகளுக்கு நீர், விதை, உரம், மின்சாரம் என எதுவும் கிடைப்பதில்லை.

நம் கேள்வி

மின்வெட்டு என்பது தொழிற்சாலைக்கும் அதிகமாக இருப்பதாக தொழிற்சாலைகளும் புகார் தெரிவிக்கின்றனவே..?????? ஒரு வேளை தொழிற்சாலைகள் அதிகமிருக்குமிடத்திற்கு சென்றால் தமிழக அரசு விவசாயிகளுக்கு மட்டும் முக்கியத்துவம் கொடுக்கிறது தமிழக அரசு என்று உளருவீர்களோ??????

-------------------

விஜயகாந்த் பேசியதாவது:

மற்றவர்கள் பதவி, சொத்து, செங்கோல் மீது பைத்தியமாக உள்ளனர். நான் மக்கள் மீது பைத்தியமாக உள்ளேன்.//////

இதற்கு அடுத்த வரியை இவ்வாறு பேசுகிறீர்களே.....உங்களை நாடகம் போடுபவர் என்றும் பிதற்றுபவர் என்றும் சொல்வதில் என்னதான் தவறு??


///////நாங்கள் ஆட்சிக்கு வந்ததும் ஜாதி, மதம், ஏழை, பணக்காரர்கள் வித்தியாசமில்லாத சமூகத்தை உருவாக்குவோம்.///////

---------------------

விஜயகாந்த் பேசியதாவது


விளைபொருட்களுக்கு விலையில்லாமல் விவசாயிகள் தினம், தினம் நஷ்டத்தை சந்திக்கின்றனர். கூடுதல் விலை கொடுத்து வெளிநாட்டில் இருந்து அரிசி, பருப்பு, பாமாயில் இறக்குமதி செய்கின்றனர


நம் கேள்வி

அரிசி ஓக்கே...பாம் மரங்கள் விளைவிப்பதற்கும் , விளைவதற்கும் தகுந்த சூழல் இல்லாத தமிழ்நாட்டில் பாமாயில் இறக்குமதி பண்ணாமல் என்ன செய்வதாம்???? பேசுவதற்கு முன் தெரிந்து பேசுங்களேன் புரட்சிக்கலைஞரே!!

--------------------


விவசாய கடன் ரூ.71 ஆயிரம் கோடியை மத்திய அரசும், ரூ.ஏழாயிரம் கோடியை மாநில அரசும் தள்ளுபடி செய்தது. இது, பினாமி பெயர்களில் நிலம் வைத்துள்ள பெரிய பணக்காரர்களுக்குத்தான் தள்ளுபடியானது. சிறு, குறு விவசாயிகளுக்கு வங்கியில் கடனே கொடுக்கவில்லை

நம் கேள்வி

நிருபிக்க இயலாத இதுபோன்ற பொத்தாம் பொதுவான குற்றச்சாட்டுக்களை சொல்லி மக்களிடம் கைதட்டு வாங்க முயலும் ஒரு நாலாந்தர அரசியல்வாதியான உங்களை மாற்றத்திற்கான திறவுகோலாக மக்களை நம்பச்சொல்கிறீர்களே????

இது எவ்விதத்தில் நியாயம்??

-----------------------------------

கீழ இருக்குறது நம்ம கமெண்ட் கெடையாதுங்கோவ்...தினமலரின் கமெண்ட்........வெகுஜன ஊடகங்கள் கூட விஜயகாந்தின் கோயபல்ஸ் பிரச்சாரத்தை கண்டு கொள்ள துவங்கி விட்டது நல்லதொரு மாற்றமே!

http://www.dinamalar.com/Arasiyalnewsdetail.asp?News_id=2792&cls=row4&ncat=TN

* ஆர்ப்பாட்டத்துக்காக கலெக்டர் அலுவலகம் பனகல் கட்டிடம் முன் பந்தல் அமைக்கப்பட்டது. அங்கு மாநில அவைத்தலைவர் பண்ருட்டி ராமச்சந்திரன் பேசியபோது, விஜயகாந்த் வேனில் வந்தார். போலீசார் அனுமதி வழங்க மறுத்த அண்ணா சிலை அருகே வேனில் நின்றவாறு விஜயகாந்த் பேசத்துவங்கினார். அதனால், பந்தலில் காத்திருந்த பண்ருட்டி ராமச்சந்திரன் மற்றும் தொண்டர்கள் நொந்து போயினர். பேசிய தகவலையை திரும்பத்திரும்ப விஜயகாந்த் பேசியதுடன், பல முறை டென்ஷன் ஆகி வேனுக்குள் அமர்ந்து கொண்டார். தொண்டர்களை பல முறை ஒருமையில் கடிந்து கொண்டார். விஜயகாந்த் மீது தொண்டர்கள் பச்சை துண்டுகளை வீசினர். அதை பிடித்து மீண்டும் தொண்டர்களை நோக்கி அவர் வீசி எறிந்தார். காவிரி பிரச்னை உட்பட பல தகவல்களை அவர் தவறான தகவல்களுடன் பேசியது, டெல்டா விவசாயிகளை குழப்பம் அடையச்செய்தது.

------------------


இன்னும் தோலுரிப்பேன்!


மதிபாலா