வழக்கொழிந்த தமிழ்ச் சொற்கள்.........

ரொம்ப நாளாவே இந்தத் தொடர் வண்டி ஓடிகிட்டுதான் இருக்கு. ஒரு பெட்டியில நம்மளயும் ஏறிக்கச் சொல்லி "ஆ இதழ்கள்" அய்யா அழைச்சி ஒரு மாசம் ஆச்சி. எனக்குதான் நேரமே இல்லன்னு பச்சையா புழுக எனக்கு மனசு வரல்லே.

உண்மையச் சொல்லணும்னா எனக்கு அந்தளவுக்கு ஆராய அறிவோ , தமிழ்ப்புலமையோ கெடையாது. இருந்தாலும் முயற்சி பண்ணறேன். அழுகுன முட்டை , பிஞ்ச செருப்பு எதுவும் வேண்டாம்....சரியா நண்பர்களே?

வழக்கொழிந்த சொற்களைப் பற்றி நிறையப் பேர் எழுதியிருக்கிறார்கள். ஆனால் நான் கொஞ்சம் வித்தியாசமான ( புதுசா படம் எடுக்க வந்த திரை இயக்குநர்கள் சொல்லும் அதே வித்தியாசமான தான்.)......... முயற்சியான வழக்கில் இருந்தும் நாம் நிறைய உபயோகிக்காத சொற்களைப் பற்றி எழுதலாம்னு நெனக்கிறேன்.

***

"வணக்கம் "

வெளிநாட்டில் வாழும் தமிழர்கள் ஆனாலும் சரி , உள்நாட்டில் வாழும் தமிழர்கள் ஆனாலும் சரி.........ஒரு ஹாய் ,, ஹலோவில் தங்கள் அறிமுகப்படுத்தி முடித்துக்கொள்கிறார்கள். இப்போதெல்லாம் "வணக்க்க்க்ம் " ( நிர்மலா பெரியசாமி ஸ்டைலில் ) தொலைக்காட்சி செய்திகளில் மட்டுமே இருக்கிறது....மீறிப்போனால் ஒன்றிரண்டு மேடைகளில் , சில தமிழுணர்வாளர்களிடையே.....அவ்வளவுதானே?

பெரியவர்களை "வணக்கம் அய்யா " என்று அழைத்துப்பாருங்களேன்..........எவ்வளவு பவ்யமாகவும் , வணக்கத்திற்குரியதாகவும் இருக்கிறது.....சம்பிரதாய குட் மார்னிங்களையும் , ஈவ்னிங்களையும் மொழி தெரியாத மூன்றாம் நபர்களிடம் மட்டுமே வைத்துக் கொண்டு தமிழர்கள் வணக்கம் சொல்லும் வழக்கத்திற்கு மாறினால் என்ன?

நிறைய வட இந்தியர்கள் இன்றும் "நமஸ்கார்" ஜி என்றுதான் சொல்கிறார்கள்........!

***

"தாமதம் "

ஒரு உரையாடல்

ரொம்ப்போ லேட் ஆயிடுச்சா வளர்மதி?

ஆமாங்கோ , படம் போட்டுடுவாங்க...இவ்ளோ லேட்டா வந்தா எப்படி?

இல்லே , நான் உடனே கெளம்பணும்னு தான் நெனச்சென். இன்னிக்கு பாத்து மேனேஜர் கெழம் கொஞ்சம் லேட்டானாலும் வேலையை முடிச்சிடுங்கன்னு சொல்லிடுச்சி.....!!!!

இந்த உரையாடலில் மூன்று தாம் "லேட் என்கிற தமிழ் வார்த்தை உபயோகப்படுத்தப்பட்டிருக்கிறது.....! அலறாதீங்க.....தமிழாகிப்போன "லேட்" என்கிற வார்த்தை உபயோகப்படுத்தப்பட்டிருக்கிறது...

சிந்தியுங்களேன்.........................

இந்த "லேட்" என்கிற தமிழாகிப்போன வார்த்தையைக் காட்டிலும் "தாமதம்" என்கிற சுத்தத் தமிழ் வார்த்தையைப் போட்டால் அவ்வளவு கசக்கிறதா என்ன? பிறகேன் ஆங்கிலம்.....??? அப்படி ஆங்கிலத்தையே உபயோகப்படுத்திக்கொண்டிருந்தால் "தாமதம்" என்கிற தமிழ் வார்த்தை வழக்கொழிந்து போகாதா? ( அப்பாடா , தலைப்பு வந்தாச்சு பதிவுல...!)

***

""நன்றி......""

காலம் ஜெட் வேகத்தில் ஓடிக்கொண்டிருக்கும் போது அனேக நீள வாக்கியங்கள் சுருங்கிப்போயின..."யெஸ்" என்ற மூன்றெழுத்து ஆங்கிலவார்த்தை யா என்ற ஈரெழுத்து வார்த்தையாகச் சுருங்கிப் போயிற்று.

ஆனால் , நாமோ சின்ன வார்த்தையான "நன்றி" யை விட்டுவிட்டு அம்மாம் பெரிதான "தேங்க் யூவை" சுமந்து கொண்டிருந்தோம்......

தேங்க்ஸ்டா டியர் , தேங்க்யூடா கண்ணா வை நன்றிடா கண்ணு என்று தமிழ்ப்படுத்திப் பாருங்களேன் , சுவை இன்னும் கூடும் , சொல்லப்போனால் தேங்க் யூவை விட அதிக நன்றியுணர்வைக் காட்டும்.

நான் அனுபவிக்கிறேன். நீங்களும் அனுபவியுங்களேன்.....நன்றிக்கு மாறுங்கள்.....


இப்படி நாம் உபயோகிக்கும் எல்லா ஆங்கில வார்த்தைகளுக்கும் பதில் தமிழ் வார்த்தைகளையே உபயோகியுங்கள்....

இன்னும் கொஞ்ச நாள் கழித்து வழக்கொழிந்த தமிழ்ச்சொற்களைப் பற்றி பேசவேண்டிய தேவையே இருக்காது.........!

தொடர் பதிவுகளுக்கு என்னை அழைத்த நல் நெஞ்சங்களுக்கு எனது நன்றிகள்....!

பிற்சேர்க்கை....

நம்ம பங்குக்கு நான் நம்ம பதிவுலக பத்திரிக்கைச் சிங்கம் , பேட்டிகளின் பெருஞ்சுடர் "மோகன் கந்தசாமி " அண்ணாச்சி அப்புறம் ........எங்க அய்யா , எங்க வழிகாட்டி "ராதாகிருஷ்ணன் அய்யா" இவுங்களை இந்தத் தொடர் பதிவுக்கு அழைக்கிறேன்.........!